Bicharne waley
chale jo ho to bata ke jao
ke kitni shamain udaas ankhon main kaatni hain.
ke kitni subhain akele pan main guzarni hain.
bata k jaao.
ke kitne sooraj azaab raston ko dekhna hai
ke kitne mahtaab sard raaton ki wus'aton se nikaalne hain.
bata ke jaao ke chaand raaton main waqt kaise guzaarna hai.
khush lamhon main tujko kitna pukaarna hai.
bata ke jaao! ke kitne lamhe shumaar karne hain hijraton ke
ke kitne mausam ek aik kar ke judayon main guzarne hain.
bata ke jaao ke panchyon ne akele pan ka sabab jo pucha.
to kya kahun gi.
kisi ne raste main rok kar mujhse ab jo pucha
ke pichle mausam main saye saye jo ajnabi the
to kaya kahun Gi.
bichar ke tujse habib kis se mila karun Gi
bata ke jaao! ke ankh barsi to kon moti chuna karega.
udaas lamhon main dil ki dharkan suna karega.
bata ke jaao! ke mosamon ko pyaam dene hain ya nahin.
falak ko,taaron ko,jugnuon ko salam dene hain ya nhi.
bata ke jaao! ke kis pe hai aitbaar karna
to kis ki baton pe be-niazi ke silsile ikhtiar karna.
bata ke jao! ke ab rawayon ki chal kya ho
jawab kya ho sawal kya ho
urooj kya ho zawal kya ho
nigah,rukhsar,zulf,chehra nidhal kya ho
bata ke jao! ke meri sorat pe tergi muskura pari to
main kya karun Gi.
bata ke jao ke tumko kitna pukarna hai
bichar ke tujse ye waqt kaise guzarna hai
badan ko kitna sanwarna hai
bicharne wale chale jo ho to bata ke jao
bata ke jao